PUNTADEWA
Puntadewa
iku putra mbarep Prabu Pandhudewanata.
Raja Negara Astina kaliyan Dewi kunti.
Puntadewa kalebu pandawa lima,
yaiku Puntadewa, Werkudara, Ajuna, Nakula, Sadewa,. Dheweke titisan Bhatara
Darma. Watake yaiku sabar, iklas, tekun ngibadahe, lan samsaya tumindak adil
lan jujur.
Garwa
prameswarinePrabu Puntadewa iku mung siji, Dewi Drupadi, putrine Prabu Drupada,
Ratu ing Negara Pancala utawa Cempala. Karo Dewi Drupadi banjur peputra sij
aran Pancawala.
Ing
pakeliran pusakane kang asring dadi kembang lambe dhalang yaiku Jimat
Kalimasada Pustaka Jamus. Ana uga Payung Kyai Tunggulnaga lan Tombak tumbak
Kyai Karawelang, lan sangsangan robyong (tilarane Prabu Yudhistira, ratu
Mertani) kang dayane, menawa Puntadewa nesu lan astane nganthi nyeggol kalung iki, sanalika sarirane salin wujud dadi
brahala utawa buta kang gedhene sagunung anakan
kanthu kulit putih kang apraceka
Dewa Amral utawa Dewa Mambang. Ana ing perang Bharatayuda, Prabu Puntadewa
tampil dadi senapati perang pandawa lan bisa mateni Prabu Salya, raja negara
Mandaraka.
Ing
pungkasaning crita, Puntadewa munggah swarga bareng karo sedulur -sedulure.
Puntadewa bareng karo asune moksa sing pungkasan. Tinimbang Pandhawa liyane,
raja iki luwih resik atine. Ora kumalungkung, ora sok kuwasa, jujur, lan
ngugemi agama kanthi ngati-ati.
Ing
sorga, Puntadewa ora trima amarga sedulur-sedulure padha mlebu neraka. Dheweke
njaluk supaya melu mlebu neraka. Kamangka, para Kurawa malah enak-enak ana surga.
Jebul kuwi mung sawetara. Pandhawa kudu nglebur dosa dhisik sawetara banjur
mlebu surga. Dene Kurawa bisa ngrasaake endahing surga amarga ana sawetara
kabecikan, nanging ora akeh. Sawise Kurawa ngrasakake sorga banjur dileboake
ana ing neraka.
Tidak ada komentar:
Posting Komentar